Pætur J. Petersen í starvsvenjing

Mánadagin 11. august byrjaði Pætur J. Petersen í starvsvenjing hjá Betri Oyggjaleikum í sambandi við sína útbúgving í tænastu- og upplivingarvinnu á UCN í Aalborg. 

Tørvur er á umleið 1200 sjálvbodnum til Betri Oyggjaleikir 2027, og talan er tí um eitt av kjarnuøkjunum á leikunum í Føroyum.

Uppgávurnar hjá Pæturi liggja serliga í fyrireikingarpartinum til tey sjálvbodnu, har ein stórur partur er at skilgreina og lýsa tær mongu, fjølbroyttu, sjálvbodnu uppgávurnar. 

Útbúgvingin hjá Pæturi varir í tvey ár og er samansett av lesnaði á netinum og starvsvenjing. 

Pætur skal vera í starvsvenjing til síðst í oktober, og endar starvsvenjingin við eini uppgávu.

Vit ynskja Pæturi vælkomnum í starvsvenjing á Betri Oyggjaleikum og gleða okkum til samstarvið.