Samband

Teitur Samuelsen er stjóri í p/f Eystur- og Sandoyartunlar og p/f Suðuroyartunnilin.

Hann er formaður í føroysku fyrireikingarnevndini, sum eitur Oyggjaleikanevndin 2027. Formaðurin hevur fíggjarligu og umsitingarligu ábyrgdina av leikunum

Doris Bjarkhamar er ráðgevi á løgmansskrivstovuni.

Hon situr við ábyrgdini fyri tilbúgvingini á leikunum - herundir heilsu og trygd. 

Annleyg Lamhauge úr Visit Faroe Islands er ein av seks limum í fyrireikingarnevndini og hevur ábyrgd fyri flutningi, gisting og vistarhaldi.

Niels Mortensen er stjóri í p/f SMS. 

Í fyrireikingarnevndini hevur hann fíggjarlig samstørv, onnur samstørv og handilsliga partin um hendi

Elin Heðinsdóttir Joensen er forseti í Ítróttasambandi Føroya og saman við einum starvsnevndarlimi umboðar hon ÍSF í fyrireikingarnevndini.

Í Oyggjaleikanevndini hevur hon ábyrgdina av øllum ítróttagreinunum og teimum ymsu tiltøkum á leikunum so sum setan, endahátíð og onnur ítróttalig og mentanarlig tiltøk

Anna Maria Toftegaard er starvsnevndarlimur í Ítróttasambandi Føroya, og saman við forsetanum umboðar hon Ítróttasamband Føroya í fyrireikingarnevndini. 

Í Oyggjaleikanevndini hevur hon ábyrgdina av teimum sjálvbodnu, burðardygd, PR, kunning og sosialum miðlum. 

John Kjær hevur arbeitt við oyggjaleikum, síðani stovnandi limaoyggjarnar hittust á fyrsta sinni í oynni Man í 1984 fyri at kanna undirtøkuna fyri at hava leikirnar í 1985. 

Hann var eisini eitt av oddafólkunum, tá ið Føroyar hýstu leikunum í 1989 og hevur líka síðani arbeitt við leikunum. 

Nú Føroyar loksins aftur skulu hýsa oyggjaleikunum, er John Kjær líka sjálvsagdur sum vindur í Føroyum og er útnevndur serligur ráðgevi hjá Oyggjaleikanevndini 27.