Hetland

Shetlandsoyggjar, eisini kendar sum Hetland, eru ein oyggjabólkur í norðara Skotlandi, og er norðasta økið í Stóra Bretlandi. Oyggjarnar liggja millum Orknoyar, Føroyar og Noreg. Lerwick er høvuðsstaður og størsta búseting.

Størsta oyggin eitur Mainland og er fimtstørsta oyggj av bretsku oyggjunum. Av umleið 100 oyggjum eru 16 bygdar. Ferjuleiðir og flogvøllur í Sumburgh knýta Hetland saman við meginlandið. 

Fiskivinna og orka hava stóran búskaparligan týdning, serliga eftir oljuútbyggingarnar í Norðsjónum í 1970’unum.

Norrøni mentanararvurin er sjónligur, t.d. í staðarnøvnum og í skjaldarmerkinum, sum ber heitið "Með lögum skal land byggja".

Fólkatal: Umleið 23.000
Gjaldoyra: GBP
Vídd: 1.467 km2
Limur í IIGA: 1985 - ein av stovnandi limaoyggjunum